- A lanparty, que recuperou o formato presencial con éxito, celebrouse durante tres días na Feira Internacional de Galicia ABANCA. Os organizadores cualifican a edición con boa nota e destacan a alta participación nas máis de 40 actividades organizadas
- Dende o sábado 9 hasta hoxe, os 425 participantes puideron desfrutar dunha velocidade de 20 xigas de conexión a Internet grazas a R, que permitiron unha gran de experiencia de usuario e facilitaron as distintas actividades que desenvolveron os participantes durante a party.
- Tamén tivo unha gran acollida o maratoniano programa Encounter TV emitido por streaming dende a party, que permitiu seguir de forma aberta e gratuíta o contido da XGN R Encounter a calquera persoa interesada en seguir a actualidade desta cita
- A aposta pola seguridade foi unha das premisas desta edición, que contou cun completo protocolo de prevención fronte á COVID-19
Silleda, 11 de outubro de 2021.- A 21ª XGN R Encounter remata hoxe cun balance moi positivo, tras tres días repletos de actividades lúdicas e formativas. A lanparty, que recuperou o formato presencial con éxito, celebrouse durante tres días na Feira Internacional de Galicia ABANCA, e nunha primeira valoración, os organizadores celebran que esta edición fose “todo un éxito” tras lograr conxugar o protocolo de prevención fronte á COVID-19 co normal desenvolvemento da party. E en especial, destacan a alta participación nas máis de 40 actividades organizadas.
Desde o sábado 9 de outubro ata hoxe, os 425 participantes puideron gozar dunha velocidade de 20 xigas de conexión a Internet grazas a R, que permitiron unha gran experiencia de usuario e facilitaron as distintas actividades que desenvolveron os participantes durante a party.
Tamén tivo unha gran acollida o maratoniano programa Encounter TV emitido por streaming desde a party, que permitiu acceder de forma aberta e gratuíta ao contido da XGN R Encounter a calquera persoa interesada en seguir a actualidade desta cita.
A aposta pola seguridade foi unha das premisas desta edición, que contou cun completo protocolo de prevención fronte á COVID-19, favorecido polos enormes pavillóns do recinto, a súa ventilación e a redución do aforo, menor do habitual nos últimos anos, o que permitiu en todo momento unha ampla separación persoal entre participantes. E ademais, tamén se contou con sistemas de medición de CO2, reforzo da vixilancia e a limpeza, uso obrigatorio de máscara ou habilitación de puntos de desinfección. Desta forma, a XGN R Encounter foi a segunda gran lanparty, tras a Euskal Encounter desenvolta en xullo no BEC de Barakaldo (Bizkaia) que recuperou a presencialidade dos participantes.
Esta cita foi a quinta con R como colaboradora e patrocinadora oficial, que proporcionou os 20 xigas de velocidade de conexión ao evento, e de novo contou co apoio da Consellería de Política Social da Xunta de Galicia, impulsora da party. A XGN R Encounter está vinculada á rede de Encounters que a Fundación Euskaltel impulsa desde hai máis de 25 anos e da que forman parte a Euskal Encounter, a Gipuzkoa Encounter e a Araba Encounter.
Datos de participantes
Os datos recolleitos dos participantes permiten comprobar que a idade media é de 29 anos, mentres que o rexistrado máis novo ten 10 anos e o máis veterano, 52. De igual forma, a súa procedencia revela que acoden desde 16 provincias diferentes, na súa maioría de Galicia (90%), mentres que o 10% restante trasladouse desde lugares como Bizkaia, Madrid, Asturias ou Barcelona.
En canto aos seus principais intereses, os rexistrados apuntan que o que máis lles gusta son os videoxogos, as actividades de entretemento, o hardware (impresoras 3D, modificación de computadores, drons…), as conferencias e talleres, a arte dixital e o software libre, por esta orde.